Ихэнх орны эрүүл мэндийн байгууллага Ковидын тохиолдолд өвчтөнийг тусгаарлах нь багасаж, бусад энгийн ханиад болон томуутай төстэй хандаж, эмчилж эхэлжээ. Энэ нь өнгөрсөн дөрвөн жилийн хугацаанд уг вирусийн дэлхий нийтийг хамарсан сөрөг нөлөө хэвийн болж буйг илтгэж байгаа юм.

Америкийн эрүүл мэндийн төв байгууллага Ковидын үед өвчтөнийг тусгаарлах удирдамжийг шинэчилж, ханиадтай ижил эмчлэх зааварчилгаа олгосон байна. Жишээлбэл, шинж тэмдэг илэрснээс хойш нэг өдрийн дараа халуун буурч, халдварын шинж тэмдэг арилж эхэлсэн тохиолдолд гэртээ тусгаарлалт хийх шаардлагагүй хэмээн үзжээ.

Гэсэн хэдий ч Ковидын халдвар нь томуугаас илүү эрсдэлтэй хэвээр байгаа бөгөөд шинж тэмдэг даамжирч байгаа тохиолдолд шаардлагатай арга хэмжээ авахгүй байх нь урт хугацаанд сөрөг үр дагавартай гэж судлаачид үзэж байна.

Иймд өвчний шинж тэмдгийг ойлгох, халдвар авсан үедээ гэртээ тусгаарлаж, Ковидын тархалтыг зогсоох нь чухал хэвээр байгаа юм. Одоо эмч нарын зөвлөж байгаагаар Ковидыг энгийн томуу болон ханиадтай ижил арга барилаар эмчлэхэд тохиромжтой болж буй бөгөөд гол нь шинж тэмдгийг сайтар ажиглаж, зөв танихыг анхааруулж байна.

Тухайн өвчний талаар сайн мэдээлэлтэй байж урьдчилан сэргийлэх арга хэмжээ авснаар бид Ковидын тархалтыг хянах, нийгмийн эрүүл мэндийг хамгаалахад тусалж чадах юм.