“Disney” болон “Pixar”-ийн хамтарсан бүтээл болох “Inside Out 2” хүүхэлдэйн киноны орлого 1 тэрбум ам.долларын босгыг давлаа. 

Олон улсад бүх насныхны хүртээл болж буй тус анимейшн нь өнгөрсөн ням гарагийн байдлаар дэлхий даяар 1.014 тэрбум ам.долларын орлого олж, 2024 оны хамгийн өндөр орлоготой кино боллоо. 

2019 оноос хойш “Disney” болон “Pixar”-ийн нэг ч бүтээл 480 сая ам.доллароос дээш орлого олоогүй бөгөөд “Inside Out 2” нь тус компанийн хувьд томоохон амжилт юм.

Цар тахлын үеийн хямралаас гарахад хүндрэлтэй байсан кино театруудын хувьд ч мөн баярт үйл явдал болж байгаа аж. Өсвөр насны үзэгчдийн өргөн дэлгэцийн зах зээлд эзлэх хувь буурч байсан бол тус бүтээл нээлтээ хийснээр нийт үзэгчдийн 14 хувийг 13-17 насныхан эзэлж эхэлжээ.