UBS банкны тайланд дурдсанаар сүүлийн 10 жилийн хугацаанд эмэгтэй тэрбумтнуудын тоо 81%-иар нэмэгдэж, мэдэгдэхүйц өсөлт үзүүлжээ. Энэхүү өсөлт нь дэлхийн хэмжээнд эмэгтэйчүүдийн бизнес эрхлэлт, эдийн засгийн чадавхыг нэмэгдүүлэх чиглэлд өргөн хүрээтэй шилжиж буйг харуулж байгаа бөгөөд эмэгтэйчүүд технологи, санхүү, эрүүл мэнд, хэвлэл мэдээллийн салбарт нэр хүндтэй болж байна. 

Энэ онд нийт долларын тэрбумтнуудын тоо 2,682 болж, тэдний нийт хөрөнгө 17 хувиар өссөн бөгөөд нийт хөрөнгө нь 14 их наяд доллароор хэмжигдэж байна. Эдгээр Тэрбумтнуудын 70 орчим хувь нь хөрөнгөө өөрсдөө бий болгосон бол үлдсэн хэсэг нь чинээлэг эцэг эхийн өв залгамжлагчид юм.