“Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам”-аар Дархан-Уул, Сэлэнгэ, Төв аймгуудад зээлийн эргэн төлөлтөөс санхүүжүүлэх нөхцөлтэйгөөр 36,5 тэрбум төгрөгийн эх үүсвэрийг баталсан. Үүний дагуу төсөл хүлээн авах үйл ажиллагааг  30 хоногийн хугацаанд төсөл хүлээн авах цахим системээр хүлээн авч дуусжээ.

Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам”-д заасны дагуу борлуулалтын орлогоос хамааруулан зээл хүсэх дээд хэмжээг заасан бөгөөд зээлийн цахим системд нийт 319 аж ахуйн нэгж зээлийн хүсэлтээ баталгаажуулан ирүүлснээс 63,6 хувь буюу 203 аж ахуйн нэгж 100 хүртэл сая төгрөгийн зээл хүссэн байна. 

Төсөл хүлээн авах цахим системд нийт 534 аж ахуйн нэгж бүртгүүлснээс 319 аж ахуйн нэгжийн 48,8 тэрбум төгрөгийн зээлийн хүсэлтээ баталгаажуулсан байна.

Төсөл сонгон шалгаруулалтын явцын мэдээллийг эргээд зээлийн цахим системд бүртгэлтэй утасны дугаараар мессеж илгээн мэдээлэх юм байна.