Ковид-19 цар тахлаас хойш таван жил зогссон Улаанбаатар-Бээжин чиглэлийн 24/23 дугаар галт тэрэг зургадугаар сарын 3-ны өдрөөс аялж эхлэхээр боллоо. Хамгийн анхны зорчигчийн галт тэрэг Бээжингээс энэ сарын 3-нд хөдөлж 4-ний өдөр Улаанбаатар хотод ирнэ. Цаашдаа мягмар гараг бүрийн 07:27 цагт Бээжингээс хөдөлж лхагва гараг бүрийн 14:35 цагт Улаанбаатар хотод ирэх аж. Харин пүрэв гараг бүрийн 07:18 цагт Улаанбаатараас хөдөлж, баасан гараг бүрийн 14:35 цагт Бээжинд очих юм.

Ийнхүү манай улс БНХАУ-тай олон улсын зорчигчийн галт тэрэгний хөдөлгөөнийг бүрэн сэргээлээ.