АНУ-ын алдагдсан боломжоо эргүүлэн авах бас дэлхийн номер нэг эдийн засагтай их гүрэн байх бодлогоо хадгалахын тулд худалдааны салбарт хамтрагч орнуудад өндөр тарифын дарамтыг үзүүлэх болсон. 

Энэ тарифын өөрчлөлтийг хүч султай улсууд нь дагаж, хүчирхэг улсууд нь хариу сөргүүлж байна. Тухайлбал, Канад АНУ-ын металл, компьютер, спортын бараа зэрэг 20 тэрбум орчим ам.долларын бараанд 25 хувийн гаалийн татвар тавьжээ.

Харин Европын холбоо АНУ-аас орж ирдэг шүдний утас, алмаз, виски зэрэг 28 тэрбум ам.долларын бараанд хариу арга хэмжээ авах болсон юм. 

Үүнд Цагаан ордон чимээгүй суухгүй л байх. Ямар нэг давсан тариф сөргүүлэн тавих нь тодорхой. 

Ер нь Трамп гаалийн татвар дээр хэт их төвлөрч энэ хэмжээгээр эргэж буцсан шийдвэрүүд  гаргаж байгаа нь хөрөнгө оруулагчдын ерөнхийдөө харзнах тактик руу шилжүүлээд байна. 

Хэдийгээр АНУ-д инфляц бага зэрэг буурч, ирэх 7 хоногт хуралдах товтой байгаа Холбооны нөөцийн сан бодлогын хүүгээ бага зэрэг сааруулах болов уу гэсэн хүлээлт нийгэмд өндөр байгаа ч хамтрагч улстайгаа тарифаар сөргөлдсөн байдал ирээдүйд сөрөг үр дагавар өндөртэй. 

Саяхан АНУ-ын Ерөнхийлөгч Дональд Трампын Канадын ган, хөнгөн цагааны импортын тарифыг 50% хүртэл нэмэгдүүлэх шийдвэр тухай шийдвэр нь тавхан цаг хэрэгжээд цуцлагдсан. 

Трамп Truth Social платформ дээрээ "Канадыг АНУ-ын 51 дэх муж болгон нэгтгэх" тухайгаа дахин дурдсан нь олон нийтийн дунд хүчтэй шүүмжлэл дагуулж, зөвхөн эдийн засаг гэлгүй улс төрийн хувьд ч тогтворгүй эргэлзээтэй байдлыг бий болгоод байгаа юм. Өнөөдрийн байдлаар Европын холбоонд дээрх тарифын хариу болгож ямар арга хэмжээгээр хариу барих нь тодорхойгүй байгаа ч байдлыг улам дордуулах зүйл л сонсгох байх гэсэн хүлээлт өндөр байна.

АНУ батлан хамгаалах салбартаа хамгийн их төсөв баталдаг улс. Тэгвэл АНУ одоо Европын холбооны орнуудад  ашиглаж байгаа нийт зэвсгийн 30 хувийг нийлүүлдэг.

Энэ баримт нь аалзны тор  мэт хэрхэн мөнгөний тооцоог “тарифаар сөргөлдөх тоглох нь” цаг алдсан хэрэг явдал гэж дүгнэх нэг хэсэг ч байна.