Залуу үеийн ажиллах хүчний оролцоо буурч, ажилгүйдэл өндөр байгаатай холбогдуулан Гэр бүл, хөдөлмөр, нийгмийн хамгааллын яам Азийн хөгжлийн банктай хамтран залуучуудын хөдөлмөр эрхлэлтийг дэмжих бодлого, арга хэмжээг шинэчлэхээр ажиллаж эхэллээ.

Сүүлийн жилүүдэд олон улсад залуучуудын хөдөлмөр эрхлэлт буурч, эдийн засгийн идэвхгүй байдал тулгамдсан асуудал болоод байна. Монгол Улсын хувьд ч мөн ялгаагүй залуучуудын ажиллах хүчний оролцоо бага, ажилгүйдэл өндөр байна.  

Энэхүү хамтын ажиллагааг эхлүүлснээр залуучуудын хөдөлмөр эрхлэхэд тулгамдаж буй асуудлыг тодорхойлох, сургуулиа төгсөөд ажлын байранд шилжих шилжилт, эдийн засгийн идэвхгүй байгаа шалтгааныг тодорхойлж, бодлогоор залуучуудыг хэрхэн дэмжих талаар судалгаа хийх юм. Мөн хөдөлмөр эрхлэлтийн төрийн үйлчилгээг сайжруулах зорилгоор олон улсын зөвлөх ажиллуулах зэрэг ажлууд багтаж байгаа аж.

Азийн хөгжлийн банкны дэмжлэгтэйгээр хэрэгжиж буй “Залуучуудын хөдөлмөр эрхлэлт” судалгааны үр дүнг энэ оны зургадугаар сард танилцуулахаар бэлтгэж байна. 

Энэхүү судалгаа нь Монгол Улсын залуучуудын хөдөлмөр эрхлэлтийг дэмжих бодлого, хөтөлбөрийг илүү үр дүнтэй, зорилтот бүлэгт чиглэсэн байдлаар шинэчлэхэд суурь мэдээлэл, зөвлөмжийг боловсруулахад чухал ач холбогдолтой хэмээн тус яамнаас мэдэгдлээ.