"Huawei" компанийн гурван давхар ухаалаг гар утасны урьдчилсан захиалга хоёр хоногийн дотор 2.7 сая гаруйд хүрчээ. Хятадын технологийн компани бямба гарагийн үдээс хойш Mate XT-ийн урьдчилсан захиалгыг авч эхэлсэн нь "Apple" компанийн танилцуулга арга хэмжээнээс хоёр хоногийн өмнө юм.

Mate XT загварын үнэ хараахан тодорхойгүй байгаа бөгөөд есдүгээр сарын 20-нд албан ёсоор худалдаанд гаргах аж.

Энэ оны хоёрдугаар улиралд "Huawei" 10.6 сая ухаалаг утас борлуулж, Хятад дахь ухаалаг утасны зах зээлд эзлэх хувиараа дөрөвдүгээрт бичигдээд буй.