“Inside Out 2” кино дэлхийн бокс оффист 1.46 тэрбум ам.долларын орлого олж, бүх цаг үеийн хамгийн өндөр ашиг олсон анимейшн кино боллоо. 

"Disney" болон "Pixar"-ийн хамтарсан уран бүтээл нь 2019 онд нээлтээ хийж, 1.453 тэрбум ам.долларын орлогоор жагсаалтыг тэргүүлж байсан "Frozen 2"-ийн амжилтыг эвдлээ.

"Inside Out 2" кино нь өнгөрсөн сард нээлтээ хийсэн бөгөөд ердөө 19 хоногийн дараа 1 тэрбум ам.долларын босгыг давсан юм. Одоогоор дэлгэцнээ зургаа дахь долоо хоногтоо гарч байгаа ба бүх цаг үеийн хамгийн их орлого олсон кино жагсаалтын 13-т бичигдэж байна.