Алт, мөнгө, цагаан алтны ханш он гарсаар хурдацтай чангарч байгаа ч цаашид ч мөн өсөх төлөвтэй хэмээн шинжээчид үзэж байна.
АНУ-ын инфляцын талаарх мэдээлэл гарснаар Холбооны нөөцийн сангаас бодлогын хүүг бууруулах хэтийн төлөв эерэг болж, лхагва гарагт үнэт металлын ханшийг дахин дэмжлээ.

Лхагва гарагийн арилжааны хаалтын ханшаар алт сүүлийн гурван долоо хоногийн дээд түвшинд хүрсэн бол мөнгө сүүлийн гурван жилийн, мөн цагаан алт нэг жилийн дээд түвшнийг тус тус шинэчлээд буй.

Алтны спот ханш пүрэв гарагийн арилжаагаар унци нь 2382 ам.долларын түвшинд хаагдсан бол мөнгөний спот ханш мөн 0.5 хувиар доошилж, унци нь 29.54 ам.долларт хүрчээ. Долдугаар сард нийлүүлэгдэх цагаан алтны үнэ пүрэв гарагт 0.7 хувиар өсөж, унци нь 1077 ам.доллар боллоо.

“Алтны үнэ ойрын хугацаанд 2400 ам.доллар, мөнгө 30 ам.доллар, цагаан алт 1130 ам.долларт хүрч өсөх төлөвтэй байна” хэмээн “Saxo” банкны шинжээчид судалгааны тайландаа дурджээ.