Сансар огторгуй таны дараагийн аяллын цэг байж болох уу? Энэхүү аялал бодит байдал болоход хэдхэн жил үлдсэн байна. Дэлхийн анхны ресторан, кинотеатртай сансрын зочид буудал 2027 онд үүд хаалгаа нээнэ.  

Gateway Foundation дэлхийн анхны сансрын зочид буудлыг танилцуулсан бөгөөд үүнийг Voyager Station хэмээн нэрлэжээ. Уг төсөл 2027 он гэхэд бүрэн хэрэгжих төлөвтэй байгаа бөгөөд Orbital Assembly Corporation гүйцэтгэхээр ажиллаж байна.

Энэхүү байгууламж нь 50,000 м.кв хэмжээтэй, ресторан, байр, фитнес, судалгааны хэсэг, кинотеатр гэх мэт олон төрлийн хэсэгтэй байх юм. Тус зочид буудал 440 хүн багтаах хүчин чадалтай.

“Ирээдүйд сансарт аялна гэдэг нь хүмүүсийн хувьд амралтаа Диснейлэнд эсвэл хөлөг онгоцоор аялахтай адилхан жирийн сонголт байх болно” хэмээн Загвар зохион бүтээгч Тим Алаторре дурджээ.

Түүнчлэн энэхүү аялал нь зөвхөн чинээлэг хүмүүст зориулагдсан бус харин хүн бүрд нээлттэй, хүртээмжтэй болгохын тулд ажиллаж байгаагаа бүтээн байгуулалтын баг онцолжээ.