- Монголын анхны Необанк М банк гадаад төлбөр тооцооны шинэ шийдлийг нэвтрүүлэхээр олон улсын Visa International байгууллагатай стратегийн хамтын ажиллагаагаа эхлүүллээ.
- Хамтын ажиллагаагаар хэрэглэгч болон харилцагч байгууллагуудын хил дамнасан гүйлгээ, гадаад төлбөр тооцоог илүү хурдан, аюулгүй, хялбар болгох зорилготой юм.
- Visa-ийн уг шийдлийг хэрэглээнд нэвтрүүлснээр М банкны харилцагчид гадаад төлбөр тооцоо хийхдээ бага шимтгэлээр илүү аюулгүй, хялбар үйлчилгээ авах боломжтой болж байна.
Монголын анхны бүрэн дижиталд суурилсан Необанк М банк гадаад төлбөр тооцооны шинэ шийдлийг нэвтрүүлэхээр олон улсын Visa International байгууллагатай стратегийн хамтын ажиллагаагаа эхлүүллээ.
Энэхүү хамтын ажиллагаа нь хэрэглэгч болон харилцагч байгууллагуудын хил дамнасан гүйлгээ, гадаад төлбөр тооцоог илүү хурдан, аюулгүй, хялбар болгох зорилготой юм. Visa-ийн уг шийдлийг хэрэглээнд нэвтрүүлснээр М банкны харилцагчид гадаад төлбөр тооцоо хийхдээ бага шимтгэлээр илүү аюулгүй, хялбар үйлчилгээ авах боломжтой болж байна.
М банкны Гүйцэтгэх захирлын үүрэг гүйцэтгэгч Б.Тэмүүлэн “Энэхүү хамтын ажиллагаа нь Монгол Улс дахь дижитал банкны үйлчилгээг улам сайжруулахад чухал алхам болж, цаашлаад улс орны эдийн засгийн өсөлт, дэлхийн зах зээлтэй холбогдоход томоохон хувь нэмрээ оруулж байна” хэмээн онцолж байна.
Уг түншлэл нь 180 гаруй орны 35 төрлийн валютаар хил дамнасан төлбөр тооцоо хийх боломжийг харилцагчдадаа олгоод зогсохгүй М банк Visa International байгууллагатай хамтран ажилласнаар олон улсын төлбөр тооцооны стандартад нийцсэн, шинэлэг үйлчилгээг дотооддоо ашиглах боломжийг бий болгож буй юм. 
