Counter-Strike 2-ын нийт 400 мянган ам.долларын шагналын сантай "YaLLa Compass 2024" тэмцээн Арабын Нэгдсэн Эмират Улсын нийслэл Абу Даби хотод боллоо.

Тэмцээнд урилгаар оролцсон Монголын "The MongolZ" финалд "Ninjas in Pyjamas" багийг 2-1 харьцаагаар хожиж түрүүлснээр шагналын 200 мянган ам.долларын эзэд боллоо.

Баянбатын Эрдэнэдалай(maaRaa)-гаар удирдуулсан The Mongolz S-Tier түвшний тэмцээнд ийнхүү анх удаа түрүүлсэн бөгөөд дэлхийн чансаагаа багагүй оноогоор ахиулав. Тэмцээний шилдэг тоглогчоор Банзрагчийн Өсөхбаяр(910) тодорчээ.