АНУ-ын Холбооны нөөцийн банкны зургадугаар сарын уулзалтаар инфляц тогтворжих шатандаа байгаа ч бодлогын хүүг бууруулах болоогүй гэх шийдвэрийг гаргажээ. 

“Хуралд оролцогчид бодлогын хүүг бууруулахын тулд инфляцын түвшин 2 хувь руу тогтвортой буурч байгааг илтгэх илүү эерэг мэдээлэл хэрэгтэй” хэмээн хурлын тоймд тэмдэглэжээ.

Хэлэлцүүлэгт оролцсон Төв банкны 19 гишүүн санал зөрөлдөж, зарим оролцогчид шаардлагатай бол бодлогын хүүг өсгөх нь зөв хэмээн үзсэн ч Холбооны нээлттэй зах зээлийн хорооны сонгогчид хүүгийн түвшнийг хэвээр үлдээхээр шийдвэрлэж, уулзалт өндөрлөсөн байна.

АНУ-ын Холбооны нөөцийн банк жилийн инфляцын түвшнийг 2 хувьд барих зорилт тавиад буй. Тус уулзалтаар АНУ-ын бодлого боловсруулагчид энэ оны инфляцын хүлээлтийг бууруулсан ч эдийн засгийн төсөөллийг хэвээр үлдээжээ.

Оролцогчид урьдчилсан таамаг мэдээллээс илүүтэй баримттай тоон мэдээлэлд тулгуурлахыг илүүд үзэж байгаагаа мэдэгдсэн байна. Харин Холбооны нөөцийн банкны тэргүүн Жером Пауэллийн зүгээс инфляц буурч буйг илтгэх таамаглалыг үргэлжлүүлэн мэдээлэх нь цаашид бодлогын хүүг бууруулах түлхэц болж чадна хэмээн үзэж буй.