2025 оны нэгдүгээр сарын байдлаар дэлхий дахинаа хамгийн их хандалттай хиймэл оюуны хэрэгслээр OpenAI компанийн ChatGPT тэргүүлээд байна. Хэрэглэгчид сард 4.7 тэрбум удаа ChatGPT рүү зочилж байгаа нь хиймэл оюун бидний амьдралын салшгүй нэг хэсэг болж байгааг илтгэж байгаа юм. 

Тус хугацаанд сард 1 тэрбум давсан хандалтыг өөр тохиолдол гараагүй байна. Хоёрдугаарт Canva платформ бичигдсэн бөгөөд OpenAI-ийн загварыг ашиглан AI-д суурилсан дизайны болон зураг засварлах функцүүдийг нэгтгэсэн нь 887 сая хандалттай байв. 

Хятадын хиймэл оюуны загвар Deepseek богино хугацаанд тус зах зээлд томоохон байр суурь эзэлсэн бөгөөд нийт 268 сая хандалттайгаар дөрөвдүгээрт бичигдэж байна. 

Энэ сард Хятадын хайлтын систем Baidu нь өөрсдийн шинэ AI загвар болох Ernie-ийн хоёр хувилбарыг танилцуулсан юм. Тус компани үүнийг “DeepSeek R1-тай эн тэнцүү боловч, 50 хувиар хямд” гэж мэдэгдэв.

Дэлхийн хэмжээнд шинэ тоглогчид AI зах зээлд нэвтэрсээр байгаа тул хиймэл оюун ухааны эрэлт саарах шинж ажиглагдахгүй байна. Өнгөрсөн жил дэлхийн нийт венчур хөрөнгө оруулалтын гуравны нэг нь AI стартапуудад зарцуулагдсан байна.