- Электрон тамхи зарж байгаад баригдсан дэлгүүр, тамхины дэлгүүрүүдийг 2 сая австрали доллар хүртэл торгож, эзнийг нь долоо хүртэл жил хорино гэж анхааруулжээ.
- Австраличууд vape худалдаж авахын тулд жор хэрэгтэй болно.
Австрали улс Vape буюу электрон тамхийг эмийн сангаас бусад газарт худалдахыг хориглосон анхны улс боллоо.
2024 оны долдугаар сарын 1-ээс шинэ хууль хэрэгжиж эхлэх ба электрон тамхийг зөвхөн энгийн өнгө, савлагаатайгаар эмийн сангаас л худалдаж авах боломжтой болж байна. Энэхүү хуулиар эмийн сангаас бусад газарт vape нийлүүлэх, үйлдвэрлэх, импортлох, арилжааны зориулалтаар борлуулахыг хориглох бөгөөд электрон тамхи зарж байгаад баригдсан дэлгүүр, тамхины дэлгүүрүүдийг 2 сая австрали доллар хүртэл торгож, эзнийг нь долоо хүртэл жил хорино гэж анхааруулжээ.
Австраличууд vape худалдаж авахын тулд жор хэрэгтэй болох нь. "Эмчилгээний зориулалттай vape-ний төрлийн бүтээгдэхүүнүүд эмийн санд байх бөгөөд никотины концентраци болон түгээлтийн хэмжээг хатуу хянаж, энгийн савлагаатай байлгаж амтыг тамхи, ментол, гаагаар хязгаарлана" гэж Австралийн Засгийн газраас мэдээлжээ.