Монгол төгрөгийн ам.доллартай харьцах ханш суларсаар байна. Монголбанкны өнөөдрийн албан ханшаар нэг ам.доллар 3,402.50 төгрөгтэй тэнцэж байна. Монголбанкнаас зарласан валютын албан ханшид ам.долларын ханшийг 0.11 хувиар өссөн гэж тэмдэглэжээ.

Монголбанкны төгрөгийн ам.доллартай харьцах албан ханш 

Арилжааны банкнууд нэг ам.долларыг 3395 төгрөгөөр худалдан авч, харин зарахдаа 3420 төгрөгөөр тооцож байна. Авах болон зарах ханшийн зөрүү 25 төгрөг байгаа нь хэт зөрүүтэй ханшийн хэлбэлзэл гэж шинжээчид үзэж байна.  “Найман шарга” валют арилжаны зах дээр нэг ам.долларыг 3425 төгрөгөөр худалдан авч, 3432 төгрөгөөр зарж байна. Ченжүүд ам.долларыг энэ оны арванхоёрдугаар сард 3500 төгрөг хүрч ханш нь өснө гэж таамаглаж байна. 

Ам.долларын ханш ганцхан манай улсад чангараагүй аж. Үүнийг эдийн засгийн шинжээчид арваннэгдүгээр сарын таванд болох АНУ-ын ерөнхийлөгчийн сонгуулийн өмнөх нэг “эффект” хэмээн оношилж байгаа бол манай  улсын хувьд ам.долларын нөөц буурсан. Эдийн засаг идэвхжихийн хэрээр гадаад худалдааны бараа эргэлт нэмэгдэж, гадагшаа чиглэсэн валютын урсгал өссөнтэй холбон тайлбарлаж байна. Мөн жил бүр томоохон тэмдэглэлт баяруудын өмнө эрэлтээ дагаад долларын ханш өсдөг үзэгдэл ч энэ жил дахин давтагдаж байна хэмээн тайлбарлаж байна.