Хамгийн анх 2003 онд Тэнгис кино театр нээгдэж байсан бол өдгөө улсын хэмжээнд 15 кино театр 69 дэлгэцтэйгээр үйл ажиллагаагаа явуулж байна.
Хүн амын тоонд хуваан үзвэл нэг монгол хүн жилд дунджаар 0.8 удаа кино театрт кино үзэж байна гэсэн үзүүлэлттэй бөгөөд Улаанбаатар хотын хэмжээнд нэг кино театраас нөгөөх хүртэлх дундаж зай 1.6 км байна.
Монголын Кино Театруудын Менежментийн Холбооны мэдээлснээр "Avengers: End Game" киног Монголд 130 мянга гаруй үзэгч кино театрт үзсэн бол "Байтаг Богд" МУСК-г 243 мянга гаруй үзэгч кино театрт үзжээ. Эдгээр нь гадаад болон дотоодын хамгийн их тасалбар борлуулалттай бүтээлүүд юм.
Монгол улсын кино театрын кино зах зээлийн 64 хувийг Монгол кино, 33 хувийг гадаад кино эзэлж байна. Монгол Улс дотоодын контентоо түлхүү үздэг дэлхийн цөөхөн орны нэг бөгөөд ихэнх орнууд Холливуд кинонд зах зээлээ бүрэн алдсан байдаг гэжээ. 
