- Энэ сарын 30-нд албан ёсоор худалдаалагдаж эхлэх уг загваруудаас олны анхаарлыг Kindle Colorsoft нэртэй анхны өнгөт Kindle ихээр татаж байна.
- Хэрэглэгчид номын хавтас, комик зургийг өнгөтөөр харж, онцлох зүйлсийг өнгөтөөр тэмдэглэх боломжтой болжээ.
- Active Canvas гэгдээд буй Kindle Scribe нь тэмдэглэл хөтөлж, зураг зурах боломжтой бөгөөд цаасан дээр бичиж, арилгаж буй мэт мэдрэмж төрүүлнэ.
Amazon компани өөрсдийн цахим ном уншигч Kindle-ийн сайжруулсан гурван загвар болон цоо шинэ өнгөт Kindle-ийг танилцууллаа.
Энэ сарын 30-нд албан ёсоор худалдаалагдаж эхлэх уг загваруудаас олны анхаарлыг Kindle Colorsoft нэртэй анхны өнгөт Kindle ихээр татаж байна. 279.99 долларын үнээр худалдаанд гаргах уг Kindle нь 8 долоо хоног цэнэгээ барихаас гадна усны хамгаалалттайгаараа онцлог болж байна.
Хэрэглэгчид номын хавтас, комик зургийг өнгөтөөр харж, онцлох зүйлсийг өнгөтөөр тэмдэглэх боломжтой болжээ. Дэлгэц нь 7 инч бөгөөд Amazon-ийн хар цагаан Kindle Paperwhite төхөөрөмжтэй ижил хэмжээтэй байна.
Дараагийн сонирхолтой шинэчлэлт нь хоёр дахь үеийн Kindle Scribe. Active Canvas гэгдээд буй уг төхөөрөмж дээр хүссэнээрээ тэмдэглэл хөтөлж, зураг зурах ч боломжтой. Хэрэглэгчдэд яг л цаасан дээр бичиж, арилгаж буй мэт мэдрэмж төрүүлнэ.
Шинэ загваруудын үзэг илүү боловсронгуй болж, жинхэнэ цаасан дээр сараачихтай адил болгосон гэж Amazon-ын зүгээс онцгойлон мэдэгдсэн.
Хүүхдэд зориулсан хувилбар нь 129.99 ам.долларын үнэтэй, зургаан сарын Amazon Kids+-ийн ном, аудио номыг ашиглах боломжтой юм байна.