Fox корпораци Мексикийн Caliente TV спортын стриминг платформыг худалдан авснаа зарлалаа. Уг хэлцлийн дүн болон нөхцлийг дэлгээгүй ч энэ нь компанийн спортын контентын цар хүрээг өргөжүүлэх стратегийн гол хэсэг болохыг онцолсон байна.

Fox-ийн мэдэгдэлд дурдсанаар, тус корпораци Латин Америкийн зах зээлд гол анхаарлаа хандуулж байгаа бөгөөд Turner, Discovery, мөн өмнө нь Fox-д ажиллаж байсан Карлос Мартинесийг бүс нутгийг хариуцсан гүйцэтгэх захирлаар томилжээ. Мартинес энэ худалдан авалтыг “өргөн хүрээтэй спортын эрх, онцгой контент, танигдсан спортын мэргэжилтнүүд бүхий хүчирхэг стриминг бизнесийг Мексикт байгуулах эхлэл” гэж тодорхойлсон байна.

Нийлсэн контентын эзлэх хувиар стриминг анх удаа уламжлалт телевизийн хосолмол (эфир + кабел) үзэлтийг давсан тухай Nielsen-ийн тавдугаар сарын тайлан харуулсан. Энэ нь спортын эрхийг тойрсон өрсөлдөөнийг хурцатгаж, Fox ч энэ уралдаанд идэвхтэй оролцох болсныг харуулж байна.

Компани энэ жилийн эцсээр хэрэглэгчдэд шууд хүрэх “Fox One” нэртэй шинэ платформ нээхээр төлөвлөж буй бөгөөд үүнээс гадна Tubi гэх үнэгүй, зар сурталчилгаатай стриминг үйлчилгээтэй юм.

Caliente TV-г худалдан авснаар Fox корпораци Big Ten Conference, United Football League, Английн Премьер лиг, FA Cup зэрэг олон улсын спортын гол арга хэмжээнүүдийн эрхийг багтаасан цогц спортын контентын багцтай болж байна.