Meta компанийн хувьцааны ханш 747.9 ам.долларт хүрч, бүх цаг үеийн дээд цэгтээ хүрлээ. Тус компани "AI Superintelligence" группээ танилцуулсан нь хөрөнгө оруулагчдын сонирхлыг ихээр татаж байна. 

Meta компанийн гүйцэтгэх захирал Марк Закерберг шинэ “Meta Superintelligence Labs” нэгжийг байгуулж буйгаа даваа гарагт зарласан бөгөөд тус лабораторийг салбарын туршлагатай удирдагчид болох Scale AI-ийн гүйцэтгэх захирлаар ажиллаж байсан Александр Ванг болон GitHub-ийн хуучин захирал Нат Фридман нар удирдана гэв.

Закерберг хиймэл оюун ухааны салбарт OpenAI болон Alphabet-тай өрсөлдөж, авьяаслаг боловсон хүчнийг олноор татан авч байна. Энэ оны зургадугаар сард Meta Scale AI компанийн гүйцэтгэх захирал Александр Ванг болон түүний багийн гишүүдийг өөрийн компанид элсүүлэхээр болж, түүний стартап компанид 14.3 тэрбум ам.долларын хөрөнгө оруулалт хийхээ зарласан. Мөн тус компани хиймэл оюун ухааны 32 тэрбум ам.долларын үнэлгээтэй “Safe Superintelligence” стартапын гүйцэтгэх захирал Нат Фридман болон түүний хамтрагч Даниел Гросс нарыг ажилд авчээ.