Олон жилийн дунджаас харахад жил бүрийн есдүгээр сард төгрөгийн ам.доллартай харьцах ханш сулардаг. Тэгвэл энэ намрын хувьд ханшийн өсөлт, сулрал огт ажиглагдсангүй.Монголбанкны сүүлийн гурван сарын албан ханшаар нэг ам.доллар 3381 төгрөгтэй тэнцэж байсан дүн хэвээр хадгалагдсаар л байна. Харин дээрх хугацаанд ханш нь чангарсан валютаар юанийг нэрлэж болно. 2024 оны зургадугаар сард нэг юань 466 төгрөгтэй тэнцэж байсан бол өнөөдрийн албан ханш 477 төгрөг болж өсчээ.”Найман шарга” валют арилжааны захад нэг ам.долларыг 3390 төгрөгөөр худалдан авч, 3397 төгрөгөөр худалдаалж байна. Юанийг 478 төгрөгөөр авч, 480 төгрөгөөр худалдаж байна.