Үндэсний ууган үйлдвэрлэгч “Говь” ХК ноос, ноолуурын салбарт шинэ хуудас нээж, Монголын анхны конвейерын системийг үйлдвэрлэлдээ нэвтрүүлжээ. Конвейерын систем гэдэг нь үйлдвэрлэлийн явц дунд, төрөл бүрийн материалыг тоног төхөөрөмжийн хооронд дамжуулах үүргийг гүйцэтгэдэг бөгөөд тухайн үйлдвэрийн эдийн засгийн өртгийг хэмнэх ба үйлдвэрийн үр бүтээмжийг нэмэгдүүлдэг чухал ач холбогдолтой.

Энэхүү орчин үеийн технологи нь “Говь” компанийн үйлдвэрлэлийн үйл явцыг хялбаршуулж, өндөр чанартай, 100 хувь монгол ноолуурыг дэлхийд хүргэх үйл явцыг улам сайжруулах нь гарцаагүй.