Дэлхий дахинд хэрэглэгчдийнхээ тоогоор тэргүүлж буй хиймэл оюунд суурилсан чатботууд таны ямар мэдээллийг цуглуулж байдаг вэ? 

Кибер аюулгүй байдлын Surfshark компаниас гаргасан судалгааны дагуу Google-ийн Gemini чатбот нь хэрэглэгчийн мэдээллийг хамгийн ихээр цуглуулдаг байна.

Чатбот тус бүрийн цуглуулдаг өгөгдлийн төрлөөс харвал Gemini 4 төрлийн холбоо барих мэдээлэл, 1 төрлийн утасны дугаарын жагсаалтын өгөгдөл, 2 байршлын өгөгдөл гэх мэт мэдээлэл цуглуулдаг аж.

Чатбот бүр өөр өөр төрлийн мэдээлэл цуглуулдаг. Гэвч ихэнх мэдээлэл ерөнхий мэдээлэл байдаг бол Gemini болон Perplexity нь хэрэглэгчийн худалдан авалтын мэдээллийг бүртгэдэг байна.

Давтагдашгүй өгөгдлийн цэг гэдэг нь тухайн AI чатбот хэрэглэгчийн талаар давтагдахгүй, онцгой мэдээлэл цуглуулдаг өгөгдлийн төрөл юм. Жишээ нь, Gemini AI нийт 22 өгөгдлийн цэгтэй бөгөөд үүний зарим нь бусад чатботуудтай давтагдахгүй онцгой өгөгдөл юм.