АНУ-ын инфляцын мэдээлэл гарахтай зэрэгцэн Биткойны ханш лхагва гарагийн арилжаагаар 93,000 ам.долларт хүрч, дээд түвшнээ дахин шинэчиллээ.

Тэргүүлэгч криптовалютын үнэ 1 хувиар дээшилж, 91,201.09 ам.доллар болсон бол үргэлжилсэн өсөлтийг үзүүлж 93,469.08 ам.долларт хүрч, бүх цаг үеийн дээд түвшинд хүрсэн байна.

АНУ-ын аравдугаар сарын хэрэглээний үнийн индекс 0.2 хувиар өссөн үзүүлэлттэй гарч, жилийн инфляцын түвшин 2.6 хувьд хүрлээ.

Дональд Трамп Засгийн газрын үр ашгийн яам буюу DOGE-ийг байгуулахаа мэдэгдэж, агентлагийн даргаар Илон Маскийг томилохоо мэдэгдээд буй. Уг мэдэгдэл гарснаар Dogecoin криптовалют 2 хувиар өссөн байна.