Үндэсний ууган үйлдвэрлэгч “Говь” компани Испанийн алдарт Каталоны нэр хүнд “Барселона” клубтэй албан ёсоор хамтран ажиллахаар боллоо.

“Барселона” клубийн Ерөнхийлөгч Жоан Лапорта өөрийн биеэр Монгол Улсад хийж буй айлчлалынхаа хүрээнд “Говь” брэндтэй албан ёсны онцгой эрхтэй хамтран ажиллахаар санамж бичигт гарын үсэг зурлаа.

Энэхүү хамтын ажиллагаа нь Говь брэндийн чанартай ноолууран бүтээгдэхүүнийг дэлхийн зах зээлд сурталчилж, Монгол ноолуурын үнэ цэнийг олон улсын хэрэглэгчдэд хүргэхэд томоохон дэмжлэг үзүүлэх билээ.

Мөн Монголын хөл бөмбөг сонирхогчид, “Барселона” багийн үнэнч фанатууд дэмждэг багийнхаа лого бүхий ноолууран онцгой загваруудыг албан ёсоор "Говь"-ийн бүх салбар дэлгүүрээс худалдан авах боломжтой болно.