- EURUSD ханш нь дэлхийн хоёр том эдийн засаг болох ЕХ болон АНУ-ын валютуудын харьцаа юм. Тиймээс ЕХ болон АНУ-аас гарч буй чухал эдийн засаг, улс төрийн мэдээнүүд нь EURUSD ханшид шууд нөлөөлдөг.
- Ихэнх шинжээчид 2025 онд EURUSD ханшийн өсөлт үргэлжилнэ гэж үзэж байна.
- Урт хугацааны арилжаанд оролцохдоо АНУ-ын эдийн засгийн мэдээлэл болон улс төрийн үйл явдлуудыг анхааралтай ажиглах нь чухал юм гэж шинжээчид зөвлөж байна. Ирэх ерөнхийлөгчийн сонгуулийн дүн ч ханшийн хослолд нөлөөлөх нэг чухал хүчин зүйл аж.
Ихэнх шинжээчид 2025 онд EURUSD ханшийн өсөлт үргэлжилнэ гэж үзэж байна. Хамгийн өөдрөг таамаглалаар хослол оны эцэст 1.2133 түвшинд хүрнэ гэж үзэж байна. Long Forecast-ийн шинжээчид 2025 оны эцэс гэхэд 1.1260 түвшинд засвар хөдөлгөөн гарч магадгүйг үгүйсгэхгүй байна. Үүний зэрэгцээ, WalletInvestor-ийн шинжээчид ханш 1.0770 хүртэл буурна гэж таамаглаад буй аж. Тухайлбал;
Long Forecast
2025 оны ханшийн хязгаар: $1.0960–$1.1790
LongForecast-ийн таамаглалаар, EUR/USD ханш 2025 онд шинэ дээд түвшинд хүрнэ гэж төсөөлж байна. Эхний дээд түвшин хоёрдугаар сард 1.1510 орчимд хүрнэ. Үүний дараа удаан хугацааны уналтын засвар хөдөлгөөн эхэлж, ханш зургадугаар сард 1.1130 түвшинд хүрч магадгүй. Өсөлт үргэлжлэн ханш 1.1700 орчимд намар дахин дээд түвшинд хүрнэ. Үүний дараа засвар хөдөлгөөн гарах төлөвтэй байна. Ханш оны эцэст 1.1260 түвшинд хүрэх магадлалтай.
Их хэмжээний уналтуудын дунд хөрөнгө оруулагчид өсөлтийг хүлээсэн хандлагатай хэвээр байх төлөв дэвшүүлжээ.
PandaForecast
2025 оны ханшийн хязгаар: $1.1057–$1.2521
PandaForecast-ийн таамаглалаар, EURUSD ханш 2025 онд өснө. Ханшийн өсөлт 1-р сард эхэлж, 2-р сард хүчтэй засвар хөдөлгөөн дагуулна. Хослол гуравдугаар сард хүчтэй өсөлтийн тренд үзүүлж, оны эцэс гэхэд 1.2133 түвшинд хүрэх төлөвтэй байна.
Үүнийг харгалзан урт хугацааны арилжааг төлөвлөх нь ашигтай бөгөөд долоо хоногийн доторх арилжаануудыг мөн авч үзэхийг санал болгож байна. Томоохон засвар хөдөлгөөнүүд гарах төлөвтэй. Дөрөвдүгээр сард ханш 1.1925 дээд түвшинд хүрч, тавдугаар сард 1.1192 орчимд доод түвшинд хүрэх төлөвтэй байна.
WalletInvestor
2025 оны ханшийн хязгаар: $1.0710–$1.1040
WalletInvestor порталын таамаглалаар EURUSD ханш 2025 онд аажмаар буурах төлөвтэй байна. Хослол оныг 1.1040 түвшинд эхлүүлж, тухайн хугацаанд аажмаар буурна. Оны эцэс гэхэд ханш 1.0770 түвшинд хүрэх төлөвтэй байна. Сарын хэлбэлзэл нэг хувиас хэтрэхгүй. Эдгээр нь зах зээлийн тодорхой хөдөлгөөнөөс илүүтэйгээр глобал засвар хөдөлгөөнтэй холбоотой маш бага үзүүлэлтүүд гэж дүгнэж буй аж. Энэ нөхцөлд богино хугацаанд хослолыг зарах тухай авч үзэх нь ашигтай байх болно гэж таамаглал гаргажээ. 
