Биткойны ханш энэ он гарсаар өндөр өсөлтийг үзүүлж байна. Мягмар гарагийн байдлаар ханш нь 9 хувиар өсөж, 68,635.2 ам.долларт хүрчээ. Энэ нь биткойны бүх цаг үеийн хамгийн дээд цэг болох 68,990.9 ам.долларын түвшинд ойртуулж байна. 
 
АНУ-ын Үнэт цаас, биржийн хороо өнгөрсөн нэгдүгээр сард ETF буюу биржээр дамжуулан худалдаалах гарцыг нээж өгсөн нь энэ жил биткойны ханшийн өсөлтийг дэмжиж буй юм. 

Энэ жил АНУ-д спот биткойн ETF-ийг нэвтрүүлснээс хойш зах зээлд 6 тэрбум ам.долларын хөдөлгөөн ажиглагдсан байна. Эдгээр ETF-ийн хамгийн том нь болох Grayscale Bitcoin Trust нэгдүгээр сард 48 хувиар өсчээ. Харин ирэх дөрөвдүгээр сард биткойны ханш суларна хэмээн трейдерүүд үзэж байна.