АНУ-ын Ерөнхийлөгч Д.Трамп гадны орнуудаас импортолж буй бүх бараанд 10-46 хүртэлх  хувийн суурь татвар ногдуулахаа зарлаад буй. Энэхүү шийдвэр дэлхий даяар ширүүн хариу үйлдэлтэй тулгарч байна. Харин хэн, ямар хариу үйлдэл үзүүлэв?

БНХАУ

Хятадын Худалдааны Яам

"Хятад энэ шийдвэрийг тууштай эсэргүүцэх болно, өөрийн эрх ашгийг хамгаалахын тулд хариу арга хэмжээ авна. Худалдааны дайнд ялагч гэж үгүй, протекционизм нь зөв гарц биш. АНУ-г нэг талын тарифуудаа нэн даруй цуцалж, худалдааны түншүүдтэйгээ тэгш эрхтэй яриа хэлэлцээний замаар зөрчлөө шийдвэрлэхийг шаардаж байна."

Япон

Ерөнхий сайд Шигэрү Ишиба

"АНУ-ын өргөн хүрээтэй худалдааны хязгаарлалтууд зөвхөн Япон-АНУ-ын эдийн засгийн харилцаанд бус, дэлхийн эдийн засаг болон олон талт худалдааны системд маш том цохилт болно."

Испани

Ерөнхий сайд Педро Санчес

"Бид компани, ажиллах хүчээ хамгаална. Дэлхийн нээлттэй эдийн засагт тууштай байна."

Швед

Ерөнхий сайд Ульф Кристерссон

"Худалдааны саад тотгор нэмэгдэхийг бид хүсэхгүй байна. Бид худалдааны дайн хүсэхгүй байна... Бид АНУ-тай хамтран ажиллаж, худалдаа, хамтын ажиллагааны замдаа эргэн орохыг хүсэж байна. Ингэснээр манай орны иргэд илүү сайн амьдрах боломжтой болно."

Итали

Ерөнхий сайд Жиоржиа Мелони

"Худалдааны дайн өрнөхөөс сэргийлэхийн тулд АНУ-тай тохиролцоонд хүрэхийн төлөө хичээнэ."

Австрали

Ерөнхий сайд Энтони Албанез

"Трампын Засаг захиргааны тарифууд нь ямар ч логик үндэслэлгүй бөгөөд манай хоёр улсын түншлэлийн үндсэн зарчимд харшилж байна. Энэ бол нөхөрсөг үйлдэл биш. Өнөөдрийн шийдвэр нь дэлхийн эдийн засгийн тодорхой бус байдлыг нэмэгдүүлж, Америкийн өрхийн зардлыг өсгөх болно."

БНСУ

Ерөнхий сайд Хан Док Су

"Дэлхийн худалдааны дайн  эхэллээ, бид боломжит бүх арга хэмжээг авч, хямралыг даван туулах болно."

Швейцар

Ерөнхийлөгч Карин Келлер-Суттер

"Засгийн газар дараагийн алхмуудаа тодорхойлох болно. Швейцарын урт хугацааны эдийн засгийн ашиг сонирхол хамгийн чухал."