АНУ-ын дуучин, тэрбумтан Тэйлор Свифт Дэд ерөнхийлөгч Камала Харрисыг дэмжиж буйгаа илэрхийллээ. 

Арваннэгдүгээр сард болох АНУ-ын Ерөнхийлөгчийн сонгуульд өрсөлдөж буй Ерөнхийлөгч асан Доналд Трамп болон Дэд ерөнхийлөгч Камала Харрис нар өнөөдөр мэтгэлцэж, шууд дамжуулалт өндөрлөлөө.

Уг мэтгэлцээн дуусмагц Тэйлор Свифт 280 сая гаруй дагагчтай Instagram хуудсандаа "Би @kamalaharris-д саналаа өгч байна, учир нь тэр хамгаалагдах шаардлагатай эрх болон хүмүүсийн төлөө тэмцэхээ харуулж байна. Би түүнийг найдвартай мөн чадварлаг удирдагч гэж бодож байна. Хэрэв бид эмх замбараагүй байдал биш, тайван замаар удирдуулбал энэ улсад илүү их зүйлийг хийж чадна гэдэгт би итгэж байна” хэмээн мэдэгджээ.