Амттан үйлдвэрлэлээр дэлхийд тэргүүлэгч Америкийн Mars компани Pringles чипсний брэндийг эзэмшдэг Kellanova компанийг 36 тэрбум ам.доллароор худалдан авахаар болжээ.

Mars компанийн харъяанд M&Ms, Snickers, Twix, Skittles, Orbit зэрэг алдартай амттаны брэндүүд багтдаг бөгөөд ийнхүү Kellanova компанийг өөрийн болгосноор Pringles, Cheez-It зэрэг чипсийг эгнээндээ нэгтгэж байна.

Mars компанийн гүйцэтгэх захирал Пол Байрак “Бид шоколадан амттан болон чипсний зах зээлийг цаашид тогтвортойгоор хөгжүүлэх том боломжийг атгаж чадлаа” хэмээсэн байна.