Монголын Үндэсний номын сан уншлагын 16 танхимтай шинэ байраа нээлээ

Үндэсний Номын Сангийн шинэ барилга нь 11 давхар,  уншлагын 16 танхимтай, 530 хүнд нэгэн зэрэг үйлчлэх боломжтой, уншигчдын тав тухтай орчин нөхцөлийг бүрдүүлсэн, олон улсын номын сангийн стандарт шаардлагад нийцсэн барилга болж байгаа юм.

Монгол Улсын Үндэсний Номын Сан сан хөмрөгтөө байгаа ном хэвлэлийн 534 мянгыг нь шинээр нээж буй Салбар номын сандаа шилжүүлж, үлдсэн 3.0 сая орчим судар бичиг, сурвалж судлалын эх хэрэглэхүүн, ном хэвлэлээр Төв байрандаа Эрдэм шинжилгээний номын сангийн үйл ажиллагаа эрхлэн явуулах юм байна.