"Microsoft" компани Xbox тоглоомын хэлтсийнхээ 650 орон тоог цомхотгож байгаагаа пүрэв гарагт мэдэгдлээ.

Тус компани Call of Duty франчайзын эзэмшигч "Activision Blizzard" компанийг 69 тэрбум ам.доллароор худалдаж авсан бөгөөд үүнээс хойш тасралтгүй шинэчлэлийг хийж, ийнхүү видео тоглоомын нэгжид гурав дахь цомхотголыг хийхээр зэхэж байна. 

АНУ-ын технологийн аварга компани Xbox нэгжийн корпорацын болон туслах чиг үүргийн орон тоог цомхотгож байгаагаа CNBC-д мэдээллээ. 

Уг өөрчлөлт компанийн хөгжүүлж буй видео тоглоом, төсөлд нөлөөлөхгүй ба багуудын тэргүүлэх чиглэл, тоглоомын амьдралын мөчлөг, гүйцэтгэлийг удирдлага зэрэгт өөрчлөлт орох аж.

"Microsoft"-ийн хувьд "Activision Blizzard"-ийн хөрөнгө оруулалтын тэнцвэржүүлэх үүднээс Xbox-ийн зардлыг танасаар ирсэн байна. Түүнчлэн тус компани Fallout, The Elder Scrolls цуврал зэрэг томоохон видео тоглоомыг үйлдвэрлэгч "ZeniMax Media"-г 7.5 тэрбум ам.доллароор 2021 онд худалдаж авсан юм. 

"Microsoft" корпорац "Activision Blizzard"-ийг худалдаж авснаас хойш ердөө гуравхан сарын дараа буюу энэ оны нэгдүгээр сард тоглоомын салбартаа 1900 ажилтнаа цомхотгожээ. Харин тавдугаар сард тус компани Arkane Austin, Tango Gameworks, Alpha Dog зэрэг хэд хэдэн тоглоомын студийг хааж байгаагаа мэдэгдсэн юм.

Дэлхийн видео тоглоомын зах зээлд зөвхөн "Microsoft" цомхотгол хийж байгаа биш юм. Саяхан PS5 шинэ консолоо танилцуулсан "Sony" компани энэ оны хоёрдугаар сард 900 гаруй ажилтнаа цомхотгоод байна.