Нэг өрөө байрны сарын түрээсийн төлбөр Улаанбаатар хотод найман сая төгрөг хүртэлх үнэтэй байна. Нийслэлийн хэмжээнд хамгийн үнэтэй, нэг өрөө түрээсийн орон сууцны жагсаалтыг “Шангри-Ла  Ресиденс”-ийн бүрэн тавилгатай нэг өрөө байр найман сая төгрөгөөр тэргүүлж байна.

Харин 35-49 метр квадрат талбайтай нэг өрөө байрны түрээсийн үнэ байршил, ашиглалтын хугацаа, тохижилтоосоо хамаарч 1.2-2.0 сая хүртэлх төгрөгийн үнэтэй байна.

Хотын төвөөс харьцангуй зайтай Сонгинохайрхан болон Баянзүрх дүүрэгт 38 м.кв талбай бүхий орон сууц 750 мянгаас нэг сая төгрөгийн төлбөртэй, төлбөрөө гурваас зургаан сарын хугацаатай урьдчилж авах нөхцөлтэйгөөр түрээслүүлж байна.  

Түрээсийн байрны эрэлт есөөс аравдугаар сард оргил үедээ хүрч, харин зургаагаас наймдугаар сард үнэ ханш нь бага зэрэг буурдаг байна.