Нийслэлийн төвийн зургаан дүүрэгт нийт 1801 байршилд 113,356 автомашины зогсоол бий. Зогсоолын эрэлт Бага тойрууд хамгийн өндөр байдаг бөгөөд нэг жолооч зогсоол хайхдаа 26 минутыг зарцуулдаг байна. Мөн Улаанбаатар хотын хэмжээнд орон сууцанд амьдарч буй айл өрхүүд нийт 199,676 тээврийн хэрэгсэлтэй. 

Харин орон сууцны хорооллууд нь нийт 80,000 зогсоолтой бөгөөд хүртээмж 40.1 хувьтай байна. Хүртээмжийг нэмэгдүүлэхэд 119,676 зогсоол шаардлагатай гэсэн тооцолол гарчээ.

Нийслэлийн 90 байршилд гаднын франчайз үйлчилгээтэй, авто зогсоол барихаар төлөвлөж байгаа бөгөөд ингэснээр зогсоолын тоо 68,908-аар нэмэгдэж, одоо байгаа зогсоолын хүртээмж 75 хувьд хүрэх аж. Мөн 120 мянгат орчимд далд зогсоол барих бөгөөд нийт 7000 орчим зогсоолтой байхаар төлөвлөөд байна.