БНСУ-ын Гимхэ олон улсын нисэх онгоцны буудлаас Улаанбаатар руу хийх нислэгийн тоог нэмж байгаагаа мэдэгдлээ. Уг нислэгийн хуваарь энэ оны гуравдугаар сараас арванхоёрдугаар сар хүртэл үргэлжлэх ба тус улсын зуны нислэгийн шинэчилсэн төлөвлөгөөний нэг хэсэг юм.

Харин Монгол Улс зуны улирлын хугацаанд олон улсын нислэгт нийт 17 агаарын тээвэрлэгчийн 10,116 нислэг төлөвлөөд буй. Энэ нь 2019 онтой харьцуулахад 100.9 хувиар, 2024 онтой харьцуулахад 8.9 хувиар өссөн үзүүлэлт юм.

2025 оны зуны улиралд шинээр Хо Ши Мин, Ордос болон Муан чиглэлүүдийн нислэг нэмэгджээ. Түүнчлэн орон нутгийн хуваарьт нислэгт “МИАТ” ТӨХК 6 чиглэлд 764 нислэг үйлдэхээр төлөвлөсөн байна.