2025 оны нэгдүгээр сарын 1-нээс Флорида мужид 14-өөс доош насны хүүхдийг нийгмийн сүлжээний платформууд ашиглахыг хориглох хуулийн төсөл хэрэгжиж эхэлнэ.

14, 15 насныхан эцэг эхийн зөвшөөрөл шаардлагатай бөгөөд цахим шуудан болон бусад мессежийн үйлчилгээнд уг хууль хамаарахгүй юм байна.

Хүүхдийг онлайн гэмт хэргээс хамгаалах, нийгмийн сүлжээг ашиглахтай холбоотой сэтгэцийн эрүүл мэндийн эрсдэлээс хамгаалах зорилготой хууль хэмээн зарлажээ.

Австралийн парламент 16-аас доош насны хүүхэд багачуудыг нийгмийн сүлжээнд хаяг нээхийг хориглох тухай дэлхийд анхдагч хуулийг баталсан нь олон улс даяар бага болон дунд насны хүүхдүүдийн сошиал медиа хэрэглээг зохицуулах, цаашлаад хэрэглээг хязгаарлах зохицуулалтын эхлэл болж байна.